Obradoiro e conto con nais de Infantil 4 anos

Hoxe xoves, un grupo de nais da aula de 4 anos, Diana, Seila, Judith, Pamela e Sandra, viñeron a contarnos e representar un conto clásico, "Os tres porquiños", cun toque moi moi orixinal, e ademáis ó rematar, despois dun "baño" de serpentina coa que espantamos ó lobo, confeccionaron con nós uns petos con forma de porquiños moi chulos. 

Nos organizamos en pequenos equipos para dar comezo á actividade, para xa no remate final darlle un toque de silicona a algunhas partes do peto como as orellas, ollos e patas.

O pasamos xenial!! E hai que dicir que elas o fixeron moi moi ben!! 

Podedes ver as fotografías da actividade na galería ou pinchando directamente na imaxe inferior.

En abril... experiencias mil! (Infantil 4 anos)

Ola familias, déixovos un vídeo no que se reflexan as fotografías dalgúns momentiños, actividades e experiencias vividas na aula, durante o pasado mes de abril.



OS DE 3 ANOS APRENDEN A DEBUXAR CASAS

    Non hai nada máis divertido e motivador que debuxar. Gústanos innovar e deixar voar a imaxinación pero sempre hai algún que teme facer algo porque di "NON SEI". 

      Así que,para axudar a aqueles que lles custa comezar, entre todos imos debuxamos unha CASA na pizarra para logo reproducila eles mesmos coas súas propias aportacións:

- Ante a dúbida de se empezar polo tellado ou polas paredes, gañou o tellado. Así que precisamos un triángulo para facela (semella unha A)

- Despois facemos dúas paredes.

- Logo engadímoslle a porta (coa manilla para poder abrila, por suposto).

- Puxemos 2 fiestras (que non son 2 "fiestas" onde hai colchonetas como dicían) e unha estaba pechada e outra aberta porque se lle vían as cortinas.

- IMPORTANTÍSIMO facer a cheminea "con fume".

   Quedou pendente engadir o garaxe (como dixo Sofía Bu.) pero imos deixalo para outro día, como a proposta de Pablo F. de aprender a debuxar un león.

   Así que hoxe fixemos estas pequenas obras de arte que tamén reflexan a súa evolución madurativa. Agardamos que vos guste.

A árbore das familias (Infantil 4 anos)

Continuando co tema da fraga, as árbores e a natureza, na aula creamos unha enorme árbore na que poder pegar as fotos das nosas familias. Sería a nosa "árbore das familias"·.

 

Vimos fotos de todo tipo de árbores no ordenador de clase, volvimos visitar as árbores do patio, fixándonos nas que tiñan flores e as que non, as que seguían sen follas....

E puxémonos mans á obra debuxando, nun enorme mural, primeiro con lápiz o boceto do que sería o tronco da nosa árbore, para logo pintala con témpera.

 Cando tivemos todo o tronco pintado, coas súas ponlas, moitas, moitísimas ponlas, debuxamos follas de distintos tamaños e tonalidades, para ir pegando nela.

Cada un trouxemos da casa fotografías das nosas familias, os membros máis cercanos, pai, nai, irmáns, avós...e despois de contarlle ós compañeiros quen era cada quen que aparecía na fotografía e os seus nomes, xa impresas, as pegamos no lugar que máis nos gustaba do mural da árbore. 

Aproveitamos  esta
actividade  para fixarnos
 nos nomes dos
 pais e as nais, ver que letras
teñen, as iniciais, e elaborar
un pequeno dossier cos
seus nomes, con debuxos
 deles  e escritura libre
tentando contar como son.

E unha vez pegadas todas as fotografías tamén  pegamos os nomes do noso pai e nai ó lado delas para así poder ler cando miremos as fotos.

 

Un agasallo moi especial (Infantil 4 anos)

Hai unhas semanas  estiveron  no  cole  algúns membros e usuarios da asociación SARAIVA (centro de día para persoas maiores) e fixéronnos un agasallo moi especial a todos os nenos e nenas de Infantil: unhas marionetas, feitas por eles mesmos, e que  lles entregaron ós nosos compañeiros de 5 anos.

Cando nolas entregaron os compañeiros para que as víramos e quedáramos con unha (pois eran tres, unha para cada aula), decidimos votar para ver cal era a máis elixida e isa sería a que se quedaría con nós.

Utilizamos as regletas e así un a un fomos colocando a nosa regleta na marioneta que nos gustaba máis.

E a marioneta gañadora foi a da esquerda, cor chocolate, que obtivo 10 votos(ese día cadrou que faltaba algún compañeiro, pero estas cousas xurden cando xurden..). Cando nos puxemos a pensar nun nome, un compañeiro suxeriu que se podía chamar Carolina (un nome moi especial para él) e a todos lles pareceu un nome xenial.

Así que agora temos "mascota" na aula, xogamos con ela ás veces, outras nos conta algunha cousiña e nos fai rir moito e tamén de cando en vez se berramos de máis no momento dos recantos, algún compañeiro vennos a dar o recado de que Carolina nos pide que non berremos e tentamos facelo mellor para que estea moi tranquiliña.

Tamén a debuxamos e escribimos o seu nome, xunto á súa foto para logo amosarlla en casa ás familias.

Encantounos o agasallo e lle escribimos, xunto cos compañeiros de 5 anos, e cos de 3 anos (que o fixeron a través dun video) para agradecerlles moito que pensaran en nós e nos regalaran algo tan especial.

Como neses días estreábamos pizarra dixital, probamos a escribirlles a carta na pizarra e así enviala a través de correo electrónico.

Da gusto recibir agasallos como éste!!!