FELICITACIÓN DA NADAL do ciclo de infantil

Moitos nervos tiñan estes pequenos renos pero a súa posta en escea foi xenial. Para os máis pequerrechiños era a súa primeira vez e quedaron un pouco...abraiados e "sen palabras". Agardamos que vos guste e BO NADAL!

Recomendacións literarias para o Nadal

Dende a biblioteca, Rufiño quere facervos unhas recomendacións de lectura e música para disfrutar este Nadal.

Xa sabedes que só lendo un libro podemos soñar, viaxar e vivir un montón de aventuras!!
Seguro que este Nadal un libro pode ser o mellor dos regalos!

Bo Nadal e Feliz 2017!

A comunidade educativa do CEIP de Parada-Campañó deséxavos unhas felices festas!

Etwinning: Teach me a few words in your language

Como sabedes, na escola estamos participando en varios proxectos europeos incluídos dentro da comunidade Etwinning, que consiste nunha iniciativa da Comisión Europea encamiñada a promover o establecemento de ferramentas escolares e o desenrolo de proxectos de colaboración a través de Internet entre varios centros escolares de países europeos sobre calquera tema do ámbito escolar acordado polos participantes.

No proxecto "Teach me a few words in your language" compartimos fotos e vídeos falando en inglés con nenos e nenas de Polonia, Francia, Macedonia, Romanía, Italia, Bulgaria, Lituania, Turquía, Hungría, Alemania, Ucrania e Grecia.

Aprendimos como se din Ola, Adeus, Grazas e outros saúdos básicos en tódolos idiomas que se falan nestes países! Podedes ver todas as postais que recibimos no noso mural

Entrevista a Karl

Presentámosvos a Karl, o noso auxiliar de conversa!

Chegou o outono á Radio Pirata Campañó!

Manuel e Juan da clase de 4º entrevistan á xefa de estudos, María.

Leire, Carmen e Dani de 5º len poemas sobre o outono e Sabela e Antía de 2º recitan unhas adiviñas.

Esperamos que vos guste!

Contacontos: Manuel María

  

Hoxe, viñeron Quique e Carlos, de Polo Correo do Vento a facer unha sesión co alumnado de 6º de Ed. Infantil e 1º e 2º de Primaria na nosa biblioteca. Alí homenaxearon a Manuel María cun conto sobre el. 

   Polo Correo do vento volveu deleitarnos cunha sesión moi interesante, lúdica e divertida, onde Quique ía contando a historia á vez que Carlos a ilustraba no panel da corcheira. Ó rematar, o alumnado, con lapis ou pintura na man, convertíronnse en ilustradores por un intre. Mentres Carlos ía amosándolles paso a paso o que tiñan que facer, cada un ía dandolle vida á caricatura de Manuel María no seu papel. Foi moi satisfactorio ver as marabillosas obras de arte que conseguiron facer!

   Ó rematar, os nenos non puideron evitar darlles un grandioso aplauso e deseosos de voltar a telos no colexio para outra aventura.

   Para ver máis fotos, deixámosvos o enlace da galería de fotos pinchando abaixo, na foto.

1º conto viaxeiro das familias: A VACA VALENTINA

Os nenos e nenas de 5 anos, a través do Conto Viaxeiro, foron elaborando xunto coas súas familias un conto marabilloso titulado "A VACA VALENTINA". Unha ilustracións moi coloridas e unha historia moi divertida!!! Agardamos que vos guste.

Día Mundial dos Dereitos dos Nenos (Radio)

Conmemoramos o Día da Infancia cun programa de radio feito por Noé, Elena, Pablo e Iris.

Esperamos que vos guste!

20 DE NOVEMBRO: Día Mundial dos Dereitos dos nenos

    Con motivo do Día Mundial dos Nenos, o 20 de novembro, no noso colexio estivemos traballando desde as aulas e desde a biblioteca a importancia dos Dereitos da Infancia con contos e libros relacionados con este tema. 

    No ciclo de Ed.Infantil fíxose un video para reinvindicar a importancia de ser un neno e unha nena. Aquí deixámosvos o enlace de "¿POR QUÉ NOS GUSTA SER NIÑOS?" 

   E todos os cursos elaboraron uns carteis para expoñer na entrada do centro e poder compartilo con toda a comunidade educativa.

     

Baile de 4º

Os nosos compañeiros e compañeiras de cuarto idearon unha coreografía para despedir ao alumnado de 6º. Fixérono xenia!!

Despedida de 6º

Cristina, Uxía, Paula, Soraya, Ismael e Dani son @s nos@s alumn@s de 6º curso e este ano marchan do colexio, viñero á Radio Pirata Campañó a falarnos un pouco do que foi o seu paso pola escola e algunhas das súas lembranzas e experiencias. Esto foi o que nos contaron:

O Coelliño Branco

Yaiza de 2º de E.P. lenos o conto de O Coelliño Branco dentro da serie de contos radiados "Encontad@s"

Canción "El monstruo de los colores"

Como ben sabedes os nenos e as nenas de 4º de Infantil estivemos traballando as nosas emocións co libro "O monstro de cores".

Para despedir este curso temos preparado un vídeo cunha canción que aprendemos e que queremos compartir con todos vós.

Desexamos que vos guste!



 E tamén temos o noso propio cartel, como o das películas!

Manuel María pol@s nen@s de Infantil

O alumnado de 6º de Infantil quixo facer unha pequena homenaxe a Manuel María gravando en video o seu recitado de varios poemas do libro "Os soños na gaiola".


Para que lles quedase así de ben primeiro fixeron unhas prácticas despois dunhas clases nas que aprendimos a empregar a tableta como cámara de video. Tamén tivemos que aprender a superar a vergonza que nos da falar diante dunha cámara e a expresarnos con claridade para que se nos entenda. Coma sempre estes nen@s acabaron facéndoo de marabilla e mirade que xeito se daban, é probable que aquí se atope a Isabel Coixet ou o Pedro Almodovar do mañá.

Trailers de cine

En 3º de primaria o alumnado estivo traballando cos trailers de cine. Un exemplo dese traballo foi este.

4º de Infantil coñece a Manuel María

Nestas semanas, con motivo da conmemoración das Letras Galegas, os alumnos e as alumnas de 3 anos estivemos traballando a redor da figura de Manuel María.

Para comezar escoitamos algúns dos seus poemas, e mesmo aprendemos o seu famoso poema "Caracol" (o cal recollemos nun pequeno mural).

A continuación puidemos pór cara o poeta do cal tanto estabamos a falar, e decidimos darlle unha pouca cor.

Por último, aproveitando que o seu nome aparecía nos corredores do colexio, fumos investigar as letras que compoñen o seu nome e escribímolo en papeis (traballando así a lectoescritura).

Velaquí tendes o ben que recitamos o poema "O caracol":

A escola escoita

Segundo o artigo 12 da Convención sobre os Dereitos do Neno (a) do 20 de novembro de 1989 aprobada polas Nacións Unidas e ratificada por moitos países incluidos España: O neno ten dereito a expresar a súa opinión e a que este se teña en conta nos asuntos que lle afectan. En moitas ocasións esquecemos este dereito, pero non no CEIP de Parada-Campañó, e por eso na Radio Pirata Campañó estreamos un novo programa chamado A Escola Escoita na que o noso alumnado explica algunhas das necesidades e cuestións que se deberían mellorar na escola.

Que todo o mundo estea moi atento ao que nos contan por unha banda Iris e Daniel de 4º de Primaria e Laura e Elena de 5º de Primaria por outra. Eles xunto coa axuda d@s seus/súas compañeir@s elaboraron unha boa lista de cousas que hai que mellorar na escola, escoitade.

Seguimos informando das actividades de Plan Proxecta

Fixemos un xogo de orientación, con motivo do traballo dos planos e rúas en Ciencias Socias. O alumnado en diferentes grupos estivo na procura das pistas escondidas no ximnasio.

Velaquí unhas imaxes d@s nos@s aventureir@s.

Nos temas 5, 6 e 7 de Ciencias Naturais, aprendemos a importancia do coidado e respeto dos animais e plantas. Unha das actividades que máis lles gustou aos cativos foi fotografar diferentes seres vivos. Para iso, estivemos no patio do colexio buscando animais e plantas. Estas últimas debían diferenciarse cos carteis de árbores, arbustos ou herbas.

Para difernciar os distintos medios de transporte o alumnado realizou unha actividade que simulaba a viaxe en avión, submarino, canoa, tren, autobús… Cada unha delas ía acompañado de preguntas como: que tipo de transporte é? como podemos aforrar máis enerxía? cal é a maneira de contaminar menos? alguén viaxou en…?

INFANTIL 4 ANOS: QUE SABEMOS DAS ABELLAS?

Xa chegou a primavera e os nenos e nenas de 4 anos atoparon unha abella voando no recreo. Viñeron a clase moi ilusionados e non paraban de falar de como lles perseguía. Entón comezaron os comentarios sobre abellas, algúns máis certos que outros, pero decatámonos que é un tema moi interesante: O MUNDO DAS ABELLAS.

Durante o PLAN LECTOR puxemos o primeiro capítulo dos debuxos animados de "A abella Maia" e estiveron moooi caladiños. Pasaron unhas semanas e as abellas seguían sendo un tema que lles interesaba moito polo que decidimos facer un MINI PROXECTO SOBRE AS ABELLAS. Decidimos facer unha pequena posta en común sobre as ideas previas que tiñan sobre elas pero, a timidez, foi a protagonista o día da grabación, jeje. Aquí podedes ver o comezo deste pequeno proxecto.

Os 4 tolos - Faladoiro de actualidade

Hoxe no programa do clube de radio: "Os 4 tolos", falamos da actualidade que atopamos a diario na prensa. Nesta ocasión tratamos unha nova que recollía La Voz de Galicia sobre o acoso escolar titulada: El 70% de los menores que sufre acoso escolar lo padece a diario. A nova publicábase na prensa este pasado martes 26 e podédela ler íntegramente eiquí. Estas foron as súas opinións.

As cores

Nestes días os nenos e nenas de 4º de infantil estivemos traballando as cores: compartimos cos demais cal era a nosa cor preferida, enumeramos cousas segundo a cor indicada, e mesmo levamos a cabo algún experimento co cal descubrimos como obter algunhas cores.

Ademais, aproveitando o proxecto de centro decidimos poñernos diante dunha cámara como as verdadeiras estrelas de cine, e aínda que algún de nós estivo un pouco nervioso o final todos o fixemos moi ben. Este foi o resultado: 

Desexamos que vos guste tanto como a nós!

"Este é o meu cole" por Jacobo Pousada Barreiro

Jacobo Pousada Barreiro preséntanos a través dun video a súa visión do colexio. A película íntegrase dentro do proxecto do colexio "Luces, cámara e acción..." e foi levado a cabo polo alumnado de 4º de Educación Primaria durante os meses de marzo e abril de 2016, dende a aula de Audición e Linguaxe:
- Jacobo Pousada Barreiro (guión, storyboard, localización de planos e actor).
- Leire e Manuel: claqueta
- Carmen e Noé: cámara
- Iris e Álex: realización

Coa colaboración do profe Javi na dirección e a montaxe.

O pasado venres 22 de abril fíxose a estrea de "Este é o meu cole" na nosa Rufiteca ante todo a alumnado do centro. Jacobo fixo unha presentación para toda a escola na que explicou as fases que hai que seguir para facer unha película. Noraboa Jacobo!

(cartaz publicitario feito por Jacobo)

Esta foi a súa presentación

 

O arco da vella (versión rap) - Manuel María

Aproveitando que este ano o Día das Letras Galegas está adicado a Manuel María, na aula de Audición e Linguaxe, traballamos cos seus poemas e tamén mediante a radio para afianzar a xeneralización dalgúns fonemas cos que tiñamos algunha dificultade ao comezo de curso. Ademais a poesía combinada coa música permítenos traballar moi ben outros aspectos da fala como é a prosodia.

Neste caso David Corredoira da clase de 2º de Primaria recítanos o poema "O arco da vella" nunha versión rap inventada por el. Mirade que ben o fai.


Este vídeo é parte dunha entrevista que fixemos en Radio Pirata Campañó falando sobre a figura de Manuel María, escoitade tamén o que nos contou David.

Concerto

A Banda de Música da Escola Naval de Marín ofreceunos un concerto no que escoitamos obras como a Marcha Turca de W. A. Mozart, West Side Story de L. Berstein ou Pink Panther de Henry Mancini. Que ben tocan!

Alicia

@s nen@s de 4º de Primaria presentan a súa propia interpretación da historia de Lewis Carroll, "Alicia no país das Marabillas".

Mediante o emprego de tabletas e o programa Cómic Life, desenrolaron toda unha historia marabillosa digna do mesmísimo Tim Burton. Guión, storyboard, fotografía, diálogos e ata o vestiario e a maquillaxe, traballaron arreo neste cómic... Non vos perdades nin unha páxina!

Os 4 tolos - Boas Novas

Gabriel, Pablo, David e Yoel son nenos de 5º de Primaria que teñen o seu propio programa dentro da Radio Pirata Campañó, chamado "Os 4 tolos".

Nesta ocasión viñeron a contarnos boas novas atopadas na prensa. Semella que cada día é máis difícil atopar novas que falen de cousas positivas e estes catro alumnos do cole viñeron a darnos unha mostra de que si se busca ben, tamén existen as boas novas.

As vacas de Parada-Campañó

Os nenos e nenas de 5º de Infantil estamos preparando un estudio de campo sobre as vacas que viven na zona de Parada e Campañó. Estade moi atent@s ás vosas pantallas, aquí vai un adelanto.

E.T. o extraterrestre

Nestes días o alumnado de 4º de Educación Infantil estivemos traballando coa película E.T.

A raíz de observar o mural que hai no corredor do colexio preguntámonos que habería na cesta desa bicicleta que voa, polo cal decidimos recoller as nosas hipóteses nun debuxo (o cal explicamos posteriormente aos compañeiros/as). Así descubrimos as diferentes ideas que tíñamos cada un: algúns dicían que levaba ovos de galiña para facer tortilla, outros ovos de dinosauro, un bombeiro, un coche de xoguete e mesmo uvas ou rosca. Velaquí van algúns dos nosos debuxos:

Finalmente descubrimos que era o que ía na cesta: ERA UN EXTRATERRESTRE QUE SE CHAMA ET e ten un dedo que fai maxia (aínda que algún de nós pensou que o queimara por xogar nunha fogueira).

Nas vindeiras semanas compartiremos co resto do alumnado do ciclo unhas sesións de cine para ver a súa película. Estamos impacientes!

8 de abril, "Día Internacional do Pobo Xitano". Entrevista a Mateo, Diego e Jonás

Hoxe 8 de abril é o Día Internacional do Pobo Xitano lévanse a cabo festexos en todo o mundo e tamén nas escolas. Nós non queríamos ser menos e quixemos coñecer un pouco máis a Mateo, Diego e Jonás que chegaron novos ao cole este mesmo ano.

 

Viñeron ata a Radio Pirata Campañó a contarnos un pouquiño da súa vida e aproveitamos para ver o vídeo da campaña que a Fundación do Secretariado Xitano leva a cabo este ano, titulado #TelebasuraNoEsRealidad, no que se denuncian os realities televisivos tipo Palabra de Gitano ou Los Gipsy Kings. Estos programas potencian tópicos e prexuizos que a sociedade ten contra este pobo amable que vive con nós dende fai séculos.

Nós tamén cremos que a telebasura non é a realidade e que a mellor forma de coñecela é achegándonos a ela, porque xa o decía Albert Einstein...

Canción

As nenas e nenos de tres anos cantamos unha canción. A que non podes parar de cantala?

Art class

Creamos con la nos cursos de 1º e 2º.

Co ábaco descubrimos a suma en 4 anos

Dende principio de curso, os nenos e nenas de 4 anos estamos traballando unha parte do pensamento matemático coa axuda do ÁBACO, onde aprenden, case sen decatarse, a contar para diante e para atrás, a facer metades, conceptos como arriba e abaixo, as decenas, etc. 

Hai uns días, unhas nenas fixéronlle unha pregunta á profesora porque non sabían cómo poderían facer para saber canto ían costar varias cousas se estaban a xogar ás tendas. A raíz diso, todos colleron o ábaco e foron resolvendo as operacións sen decatarse. ESTABAN SUMANDO! Despois amosoulles a mestra como se escribía a suma e como se facía no papel e coas mans. Tanto lle gustaron que non querían parar!

Deixámosvos un anaquiño do vídeo dunha actividade. Agardamos que vos guste.

A granxa do tío Manuel

O P.E.L.O. ou Programa de Estimulación da Linguaxe Oral lévase a cabo polo profesorado de Audición e Linguaxe nas aulas de infantil para incentivar a adquisición das distintas características que conforman a nosa linguaxe e a nosa fala.

Hai moitas actividades para estimular a fala d@s pequen@s, unha moi boa é a música, xa que permite dun xeito lúdico que @s nen@s participen en cancións, recoñecendo a súa propia fala, a d@s compañeir@s e tamén as diferentes cualidades da voz como o timbre, a intensidade, o volumen e a altura ou tono. Ademáis o emprego das onomatopeias sérvennos para mellorar o noso sistema fonolóxico.

Co tema "A granxa do tío Manuel" facemos unha combinación de música e onomatopeias e @s nen@s de 4º de Infantil pásanno en grande. Mirade este vídeo e cantade con nós: "vide xogar, vide xogar, na nosa granxa pasarémolo guai".

8 DE MARZO: DÍA DA MULLER

O 8 de Marzo celébrase o día da muller. Os nenos e nenas de 1º de Primaria traballamos con un pequeno conto no que a súa protagonista é "SuperLola".

É unha nena que quere ser heroína, para loitar por un mundo mellor no que todos os nenos e nenas poidan ser libres para
facer o que máis lles guste.




Nos estivemos a falar dos nosos personaxes de contos favoritos, e vimos que aínda que uns son chicos e outras son chicas todos teñen as mesmas cualidades: valentes, cariñosos, fortes, alegres, loitadores....

Aquí tedes o enlace para poder ver o conto de "SUPERLOLA".

A casa da mosca chosca

Os nenos e nenas de 6º de Infantil do CEIP de Parada-Campañó traballamos moito co conto de Iria Mejuto e Sergio Mora, "A casa da mosca chosca".

Todo dentro do Programa de Estimulación da Linguaxe Oral de Audición e Linguaxe. Primeiro lemos o conto, despois fixemos as caretas e aprendimos os nosos papeis, levando a cabo unha pequena interpretación teatral.

Despois diso e aproveitando que o proxecto do cole chámase "¡Luces, cámara, acción!" fixemos a nosa propia película.

Repartimos as funcións do seguinte xeito, encargándonos da cámara, do son, da claqueta, ...
- Saúl: narrador, oso larpeiro e claqueta
- Saray: cámara e mosca chosca
- Iago: son e escaravello revello
- Naiara: realización e morcego chairego
- Pablo: cámara e mosca chosca
- Nayra: producción e sapo castrapo
- Mario: escenario e lobicán pillabán
- Alba: personaxes e moucha repoucha
- Xiana: personaxes, producción e raposa chistosa

Deunos moito traballo, pero mirade o resultado da nosa primeira película:

AS VOCES DA AULA 2

Xa temos aquí a segunda entrega de As voces da Aula. Nesta ocasión participan Daniel, Jonatan, Iago, Laura, Paula e Oliver e contannos que lles gustaría ser cando sexan maiores. Esperamos que vos guste! Vémonos na próxima entrega!

Cantamos!

As nenas e nenos de 5º e 6º de Infantil cantamos a canción da vaca Valentina, que unhas veces está contenta e outras de mal humor... Adiviñas como se atopa en cada canción?

Reforestando Campañó

Hoxe os nenos e nenas de infantil voltaron a ser o noso orgullo, reforestando con castiñeiros un monte en Soutonovo. Isto foi posible gracias á Comunidade de Montes de Campañó e ao Concello de Pontevedra. Xa sabedes iso que din de que na vida hai que prantar unha árbore, escribir un libro e ter un fillo... pois nós xa fixemos o primeiro ;)

Incluso saímos na páxina web do Concello, mírade mírade, é para estar ben orgullos@s. Ligazón á nova.

 

 Preme na imaxe para ver máis fotos

Entrevista en Radio Pirata Campañó

Hoxe por fin tocáballe ás rapazas facer o seu primeiro programa de radio, e nesta ocasión tivemos a sorte de poder disfrutar da compañía de Cristina, Paula e Soraya que lle fixeron unha entrevista á nosa Xefa de Estudos e mestra de infantil, María.
Aquí tendes o podcast co resultado, agardamos que vos guste.

Día de Rosalía de Castro

Aproveitando que o día 24 de febreiro festéxase en toda Galicia o día de Rosalía de Castro en conmemoración ao seu nacemento, un novo grupo de nenos composto por Dani B., Ismael e Dani C. fixeron un programa de presentación e leron un cacho do poema "Adiós ríos, adiós fontes".
Aquí está o podcast, agardamos que vos guste.


Deixámosvos tamén esta preciosa ilustración da escritora feita por Aurora Cascudo Román

A vaca que brúa

O noso conto da vaca Valentina dos nenos de 6º de EI.

Plan Proxecta

Este ano estamos a participar no Plan Proxecta co programa Máis e Mellor Actividade Física (MMAF) que realizaremos durante o curso 2015/16 . Ten como finalidade posibilitar unha acción transversal e común das materias de Ciencias Sociais/Naturais e Educación Física, dentro das Competencias Clave, que incentive hábitos de vida activa e saudable e prevención de enfermidades a través do incremento de actividade física.

Os contidos deste programa serán impartidos de xeito interdisciplinar, coa colaboración dos mestres de 1º curso, que imparten a área de Ciencias Sociais/Naturais, e do mestre de Educación Física.

Premede nesta ligazón para ver todo o que levamos feito xa.

Poema de inverno.

Os nenos de 6º de infantil do CEIP Parada Campañó escribimos e ilustramos un poema para a nosa mascota da biblioteca que recitamos o día da paz.

AS VOCES DA AULA

Chegou a primeira entrega de "As voces da aula"! Os nenos e nenas de primeiro de primaria son os protagonistas desta nova aventura na que nos darán a súa opinión sobre diferentes temas de actualidade.

Nesta primeira entrega Marta, Oliver, Álex, Alejandra, Katia e Crala falan sobre o día dos namorados. Esperamos que vos guste! Vémonos na próxima entrega de "As voces da aula". Recordade que nos podedes propoñer novos temas para preguntarlle aos nenos de 1º.

Concerto

Proximamente asistiremos á ópera Guillermo Tell composta por G. Rossini. Nos seguintes vídeos poderás escoitar partes da obra.