DÍA DA PAZ 2017

         No cole conmemoramos o Día da Paz coa canción "Campás pola Paz," que interpretamos en lingua de signos. Tamén fixemos manualidades e un xogo con tarxetas (de imáxenes de famosos cadros) e onde tiñan que buscar as súas parellas: DIVERTIDÍSIMO XOGO!

O alumnado traballou este día cun cadro de Picasso, "O Guernica", decorando unha peza do famoso cadro que, aínda que está pintado en cores branco, negro e gris, cada aula encheuno de cores. O alumnado de infantil traballou unha poesía creada para dita celebración en relación o noso proxecto, baseada no cadro de Picasso "O neno e a paloma".

E rematamos co alumnado de 2º de primaria e cos seus desexos de paz para todos os nenos e nenas do mundo.

Foi un día completo! Esperamos que vos guste!

Pinocho en Campañó!

Desde Venafro (Italia) mandáronnos a Pinocho cunha maleta cargada de productos típicos, desde pasta a unha cafetera, dentro dun dos nosos proxectos Etwinning.

Descubride con nós o que nos trouxo Pinocho e o paseo que se deu por Pontevedra!

Quen é o escritor co que aparece o final do vídeo?

Os nenos de 4 anos fálannos de Gaudí

Carlota, Carla, Iván, Mateo e Pablo, da clase de 4 anos, subiron ata a Radio Pirata Campañó a contar o que foron aprendendo sobre Gaudí neste curso.

Esperamos que vos guste esta poesía tan orixinal!

DÍA DE PORTAS ABERTAS NO COLE

DÍA DE PORTAS ABERTAS no colexio. Se queredes coñecer o colexio, como traballamos, as actividades ofertadas e a metodoloxía, non dubidedes en vir visitarnos o MARTES, 21 DE FEBREIRO.

E se queredes descargar o TRÍPTICO e saber un pouquiño máis de nós, pinchade na foto de abaixo.

Unha tertulia do alumnado de 5 anos sobre Velázquez

O pasado venres, 19 de xaneiro, os alumnado de 5 anos foi gravar un programa de radio sobre o aprendido durante estes meses na clase sobre Velázquez. A verdade é que foi unha sesión moi amena aínda que a moitos lles invadiu a vergonza por ter os micros diante. Aquí vos deixamos o enlace do programa de radio para que aprendades con eles, polo que subide o volume dos altavoces e a disfrutar!

Noraboa a J. Andrés!

Noraboa a J. Andrés que se fixo co Primeiro Premio do Concurso de Debuxo organizado pola Sociedade Galega de Historia Natural

PARABÉNS!!!

OBRADOIRO "Aquí pintamos todos...o mural"

     Este ano, como xa sabedes, estamos a traballar arredor do Proxecto anual do centro denominado "Aquí pintamos todos". Polo tanto, entre moitas das actividades que estamos a facer, organizamos un obradoiro para que o alumnado fora partícipe dunha actividade cuio resultado perdurara no tempo. Así que puxémonos en contacto co Concello, presentouse un proxecto coa axuda dunhas "elefantas" amigas e, con brochas, pintura e roupa vella puxémonos mans á obra. 

     Para este traballo contamos coa axuda dos rapaces de Polo Correo do Vento, Quique e Carlos, que colaboraron no deseño e axudaron ó alumnado para que participaran neste proxecto. Como a actividade durou unhas semanas despois de rematar as clases, Quique e Carlos estiveron vindo ó colexio para rematar esta marabillosa transformación do mural.

   Polo que agora o noso patio loce máis alegre e ten moitísima vida!!! Se queredes ver algunhas fotos máis podedes visitar a galería de imaxes do blog o pinchar na foto de abaixo. Agardamos que vos guste.

Gaudí!!

Aquí tedes o proxecto sobre Antonio Gaudí que o alumnado de 5º de Educación Infantil realizou en colaboración coas súas familias. O resultado non podía ser mellor!!