UN GRAN ELENCO NO COLE: ADIVIÑARÁN QUE ACTRIZ OU ACTOR É?

Comeza o xogo de cine. No armario do corredor de abaixo aparecen as fotos do ELENCO dunha gran película de cine onde están moita xente que o alumnado coñece...poderán saber de quen se trata? saberán recoñecer a cada actriz ou actor?

Prestade atención nos recreos e nas saídas a ver se sodes capaces de adiviñar quenes son e que película é a da foto. Se precisades axuda, haberá un código QR que se pode ler coa tablet e así acceder á ficha técnica da película.

A PASALO BEN!

Códigos QR das páxinas do cole

Alá polos anos 90 en Xapón decidiron facer uns códigos que funcionasen moi rápido, chamáronlle "Códigos QR" (Quick Response, de resposta rápida), así neses cadradiños e raias tan raras condénsase moita información, dende direccións de Internet, textos, sons, vídeos...

Hoxe en día os códigos QR están en todas partes e no cole non íamos a ser menos, así que preparade os vosos móbiles ou tablets para poder acceder ás vosas direccións favoritas. Mirade, mirade... (non vos esquezades de descargar un lector de códigos, hai moitos gratuitos)

A ver se sodes quen de descubrir a que páxina corresponde cada código QR. Unha pista, o vermello é a nosa canle de vídeos en youtube.