Hoxe 26 de decembro o alumnado do noso centro participou con moita ilusión no cros escolar, unha xornada deportiva organizada polo HQR e o Diario de Pontevedra.

Os nosos alumnos e alumnas deron o mellor de si ao longo do percorrido, demostrando esforzo, constancia e, sobre todo, espírito deportivo. Máis aló dos resultados, queremos destacar a importancia de participar e gozar do deporte ao aire libre.
Parabén a todo o alumnado participante e grazas ás familias por facer posible esta magnífica xornada deportiva!

OBRADOIRO DOBRE FAKE NEWS (6ºEP)

 O alumnado de 6.º de Primaria participa nun taller sobre Fake News impartido por Radio Pontevedra Cadena Ser.

Hoxe, mércores 14 de xaneiro, o alumnado de 6.º de Educación Primaria participou nun taller sobre Fake News celebrado no noso centro e impartido por profesionais de Radio Pontevedra Cadena SER.

Durante a sesión, o alumnado tivo a oportunidade de reflexionar sobre a gran cantidade de información que recibe a diario e aprender a distinguir entre noticias verdadeiras e falsas, desenvolvendo así unha mirada máis crítica e responsable ante os contidos que consomen, especialmente na internet e redes sociais.

A través de actividades dinámicas e exemplos próximos á súa realidade, o taller abordou aspectos como: qué son as fake news e por que se difunden, a importancia de contrastar fontes e verificar a información, o papel dos medios de comunicación e do xornalismo rigoroso e o uso responsable da información en contornas dixitais.

Esta actividade enmárcase dentro das accións do centro para reforzar a educación mediática e dixital do alumnado, unha competencia esencial para o seu desenvolvemento persoal e académico.

Desde o centro queremos agradecer a Radio Pontevedra Cadea SER a súa colaboración e a proximidade coa que achegaron ao alumnado un tema tan actual e necesario.

CROSS ESCOLAR

 Hoxe 26 de decembro o alumnado do noso centro participou con moita ilusión no cros escolar, unha xornada deportiva organizada polo HQR e o Diario de Pontevedra.

Os nosos alumnos e alumnas deron o mellor de si ao longo do percorrido, demostrando esforzo, constancia e, sobre todo, espírito deportivo. Máis aló dos resultados, queremos destacar a importancia de participar e gozar do deporte ao aire libre.
Parabén a todo o alumnado participante e grazas ás familias por facer posible esta magnífica xornada deportiva!

OBRADOIRO DE GALLETAS DE GALLETAS DE NADAL (CICLO DE INFANTIL)

O pasado luns, 15 de decembro, o ciclo de infantil levou a cabo un obradoiro de Nadal onde  puxemos mans na fariña"!!!...e nos ovos, no aceite, no azucre..

En 3 grupos mesturados os nenos e nenas de 3,4,5 anos pasaron polas diversas aulas nas que, en cada unha, había un reto que facer:

AULA 1: Elaboración da receita.

AULA 2: Realizar a masa

AULA 3: Creación e decoración da caixa para gardalas e levalas a casa (ou comelas antes)

A verdade e que disfrutamos moitísimo desta xornada escolar tan divertida xunto con todos os compañeiros de ciclo.

Para ver todas as FOTOS deste día, podedes pinchar neste enlace.

HEALTHY HEROES (DECEMBER)

Desde a aula de inglés gustaríanos convidalas a participar de forma totalmente voluntaria nunha proposta creada coa finalidade de levar a cabo unha vida máis saudable dentro das características persoais de cadaquén e das posibilidades que o día a día nos permita. 

Así, creamos un proxecto denominado Healthy Heroes que consiste en que cada semana desde agora ata maio, se plantexa un reto saudable e relativamente doado de acadar. 

Os retos son acumulables, de xeito que, segundo avancen as semanas, se poidan ir sumando varios hábitos saudables á vida diaria. 

Trátase, por suposto, dunha actividade na que non se avaliará a cantidade de retos acadados, se ben aportamos ao alumnado un material onde poderán ir coloreando diariamente o símbolo asignado a cada reto para poder ir sendo conscientes de cada vez que lograron cumplilo. 

Animámoslles a unirse a esta iniciativa en familia para unha vida máis saudable! 

O primeiro reto consiste en moverse un pouco cada día, como por exemplo dar dez saltos, subir escaleiras ou camiñar cinco minutiños máis. 

Ao comezo de cada semana iremos subindo a instagram o reto correspondente.

Anímense! 

Imos aló!

CAMINATA ÁS MARISMAS DE ALBA: APRENDENDO A MIRAR A NOSA CONTORNA (3º EP)

Dentro do programa Renaturalízate do Concello de Pontevedra, o alumnado de 3.º de Primaria gozou hoxe dunha enriquecedora camiñata cara ás Marismas de Alba. O obxectivo: observar de preto as árbores que crecen ao redor do río e descubrir algunhas das aves típicas desta época do ano.

 

Durante o percorrido, os nenos e nenas puideron deterse a observar, preguntar e sorprenderse coa variedade de vida que habita tan preto de noso día a día.

Desde a diversidade de especies arbóreas ata o comportamento das aves, cada paso foi unha oportunidade para aprender algo novo.

 

Un agradecemento moi especial ás ambientólogas que nos acompañaron. Grazas ás súas explicacións e entusiasmo, a saída foi un auténtico éxito e permitiu que o alumnado conectase aínda máis coa súa contorna natural.

 

Unha experiencia que, sen dúbida, anímanos a seguir explorando e valorando a riqueza ambiental que nos rodea.

 

Para ver máis fotos, pinchade NESTE ENLACE.

OBRADOIRO FAMILIAR: COLARES DE CUNCHAS (5ºEI)

 Que sorte tivemos de poder escoitar a Teresa, a avoa de Adrián, contoumos historias de cando ela era pequena, cantounos cancións e ata nos ensinou a facer colares con cunchas,  coma os que vendía ela na Illa da Toxa. 

Agardamos que veñas outra vez.

OBRADOIRO DE FAMILIA: UN CESTO DE PEIXES

 A nai de Lucas, de 5 anos, veu facer un obradoiro en 6º EI en relación co proxecto que estamos traballando no cole de "Mares e Océanos".

Trouxo unha cesta chea de pescados e mariscos para coñecer como son, os seus nomes e as súas carctarísticas.

Aprendemos a desescamar algúns peixes coas ferramentas precisas, a cortarlle aletas,...

...e tamén a quitarlle as tripas que era ASQUEROSIÑO!!! jajaja

Tamén tocamos as sardiñas, os chipiróns, calamares, rapantes, ameixas, berberechos,...

Pero todos estaban dacordo en que lles gustaba comer pescado.

VISITA A CADENA SER PONTEVEDRA (4ºEP)

O alumnado de 4.º de Primaria viviu hoxe unha experiencia única grazas ao programa educativo dos Premios José Hermida: visitamos os estudos de Radio Cadea SER Pontevedra.

 

Desde que chegamos, o equipo da emisora recibiunos con moita proximidade e entusiasmo. Explicáronnos como funciona a radio por dentro e descubrimos que detrás de cada programa hai un gran traballo en equipo.

Tamén aprendemos a importancia da voz, do guion e da preparación antes de saír en antena.

 

Puidemos entrar no estudo principal, ver aos locutores en acción e observar como se controla o son desde a mesa de mesturas. Mesmo escoitamos nosa propia voz a través dos micrófonos profesionais, o que fixo a visita aínda máis emocionante.

 

Ademais, contáronnos algunhas curiosidades da historia da radio e como evolucionou ata converterse no medio que coñecemos hoxe.

Foi unha oportunidade fantástica para achegarnos ao mundo da comunicación e descubrir unha profesión diferente e chea de creatividade.

A visita terminou cunha pequena charla onde puidemos facer preguntas e compartir as nosas impresións. O interese do alumnado foi enorme!

 

Sen dúbida, foi unha xornada especial que lembraremos durante moito tempo. Agradecemos á Cadea SER Pontevedra a súa amabilidade e ao programa dos Premios José Hermida por ofrecernos esta experiencia tan enriquecedora.

 

Para ver máis fotos, pinchade neste enlace.

DETECTIVES DE ARTE (3ºEP)

Hoxe queremos compartir unha experiencia moi especial: a visita dos alumnos de 3º de Primaria ao Museo de Pontevedra, na que se converteron en auténticos investigadores coa actividade Detectives da arte na que tiveron que resolver un misterio: un roubo ocorrido no museo.

Para desentrañar o caso utilizaron uns cadernos de investigadores, consultaron pistas, examinaron con atención distintas obras, cartelas, esculturas e pinturas, e aprenderon a observar con detalle.

Disfrutaron moito das coleccións que abarcan desde arqueoloxía ata pintura, escultura, cerámica da arte galega. 

Para ver máis fotos, pinchade neste enlace.

POÑEMOS UN BERRO NO CEO - 25N (1ºEP)

 Titulo: Poñemos un berro no ceo. 25N.

Con motivo do 25 de novembro, Día Internacional da Eliminación da Violencia de Xénero, dende a nosa aula participamos nunha actividade de sensibilización cargada de significado. 

Ao longo desta semana reflexionamos sobre o bo trato, o respecto e a importancia de construír relacións baseadas na igualdade. Para expresar todo o que aprendemos creamos un mural colectivo baixo o lema "Nós poñemos un berro no ceo contra a violencia de xénero, e ti?".

A través das fotografías do alumnado simbolizamos un berro que rompe co silencio que reflicte a necesidade de denunciar calqueira situación de violencia. As fotos van acompañadas de palabras relacionadas con conductas violentas e as nenas e nenos da aula tiveron que tapala con accións que SI representan o que é o amor para elas e eles. 

O amor nunca doe, o respecto constrúese cada día. 

25N. 

VISTA AO MUSEO E ESPECTÁCULO DE MIGALLAS (1º EP)

 Hoxe todos os do 1º ciclo de Primaria visitamos o Museo de Pontevedra para ver ao grupo Migallas no seu espectáculo “Pegadas de Castelao”.

Para ver todas as fotos, pinchade neste enlace.