O alumnado de 6º de Infantil quixo facer unha pequena homenaxe a Manuel María gravando en video o seu recitado de varios poemas do libro "Os soños na gaiola".
Para que lles quedase así de ben primeiro fixeron unhas prácticas despois dunhas clases nas que aprendimos a empregar a tableta como cámara de video. Tamén tivemos que aprender a superar a vergonza que nos da falar diante dunha cámara e a expresarnos con claridade para que se nos entenda. Coma sempre estes nen@s acabaron facéndoo de marabilla e mirade que xeito se daban, é probable que aquí se atope a Isabel Coixet ou o Pedro Almodovar do mañá.
@s nen@s de 4º de Primaria presentan a súa propia interpretación da historia de Lewis Carroll, "Alicia no país das Marabillas".
Mediante o emprego de tabletas e o programa Cómic Life, desenrolaron toda unha historia marabillosa digna do mesmísimo Tim Burton. Guión, storyboard, fotografía, diálogos e ata o vestiario e a maquillaxe, traballaron arreo neste cómic... Non vos perdades nin unha páxina!
Xa temos aquí a segunda entrega de As voces da Aula. Nesta ocasión participan Daniel, Jonatan, Iago, Laura, Paula e Oliver e contannos que lles gustaría ser cando sexan maiores.
Esperamos que vos guste!
Vémonos na próxima entrega!
Hoxe tivemos un novo fito na escola, estreamos a nosa emisora de radio, "Radio Pirata Campañó"! Aproveitamos para conmemorar que mañá día 13 de febreiro, a UNESCO e as Nacións Unidas festexan o Día Mundial da Radio e fixemos un programa de proba durante o recreo.
Cun montón de problemas técnicos pero content@s de poder iniciar esta andaina que levará a voz dos nenos e nenas do CEIP de Parada-Campañó a todos os recunchos do mundo, Pablo, David, Yoel e Gabriel de 5º de Primaria xunto co mestre Javier de Audición e Linguaxe, mantiveron unha pequena charla e puxeron algo de música. Pronto teredes máis novas desta potente ferramenta escolar, polo de agora aquí podedes escoitar as nosas voces.
Premede no botón laranxa e blanco de "Play" para escoitar a nosa emisión.
O venres 5 tivemos a festa do entroido na escola e compartimos cos pais, nais, avós, avoas e demais familia un momento especial e divertido. Deixámosvos un vídeo dalgúns momentos que vivimos.
Temos unha nova galería de imaxes no cole, moito máis accesible e sinxela de empregar, onde iremos colgando as fotos das actividades que imos facendo ao longo do curso. A ligazón para visitala é:
O 29 de xaneiro deste 2016 festexamos o Día da Paz, lembrando a figura de Gandhi, quen morreu asasinado por defender os dereitos das persoas a a paz no mundo. Aquí vos deixamos un pequeno vídeo con algunhas cousiñas que fixemos para lembralo.
Se vos gusta este ou outros vídeos do cole, suscribídevos á nosa canle de youtube para estar ao día das novidades. Tan só tes que premer no botón de aquí abaixo ou no que hai na barra lateral dereita. Agardámosvos!
O traballo por proxectos é unha ferramenta poderosa para á aprendizaxe na escola, e tamén o é o traballo cooperativo entre o profesorado. Aproveitando que a titora de 6º de Infantil traballou as emocións a través do libro "O monstro de cores", dende a clase de TICs continuamos este proxecto do seguinte modo:
Mediante as tabletas e traballando en equipos pequenos (parellas e grupos de tres) empregamos o programa Bosquexo (Sketches) para tratar de ordear as nosas emocións.
En primeiro lugar sacamos unha foto d@ nos@ compañeir@ interpretando unha emoción. A continuación, tal e como fai o noso querido monstro, empregaremos un código de cores para identificar o sentimento traballado.
Así a ledicia sería a cor amarela, a tristura a azul, á xenreira corresponderíalle a cor vermella...
Despois, complementamos a emoción con debuxos representativos (bágoas ou nubes para a tristura, raios e tronos para a xenreira, etc.).
Unha vez rematado imprimimos as nosas emocións e expoñémolas na aula. Mirade este pequeno vídeo onde se ve o resultado final do noso traballo. Agardamos que vos guste, pero ollo! isto aínda non rematou ;)
Alá polos anos 90 en Xapón decidiron facer uns códigos que funcionasen moi rápido, chamáronlle "Códigos QR" (Quick Response, de resposta rápida), así neses cadradiños e raias tan raras condénsase moita información, dende direccións de Internet, textos, sons, vídeos...
Hoxe en día os códigos QR están en todas partes e no cole non íamos a ser menos, así que preparade os vosos móbiles ou tablets para poder acceder ás vosas direccións favoritas. Mirade, mirade... (non vos esquezades de descargar un lector de códigos, hai moitos gratuitos)
A ver se sodes quen de descubrir a que páxina corresponde cada código QR. Unha pista, o vermello é a nosa canle de vídeos en youtube.
Hoxe é un día histórico para o CEIP de Parada-Campañó e sobre todo para o futuro do noso alumnado, despois de moito agardar por fin ampliaron o ancho de banda de Internet o que supón que os ordenadores e as tablets coas que traballamos nas aulas pasan a convertirse en auténticas fiestras polas que asomarse ao mundo.
Dos primeiros datos das probas de velocidade feitas obtense resultados de 13mbs de baixada e 15mb de subida. Aínda así prometeron que virían a rematar de configurar a conexión para que sexan 50mbs durante o curso e nun futuro non moi lonxano, 100mbs.
Hoxe de novo o noso cole énchese de fachenda, o futuro xa está aquí.
