Desde Venafro (Italia) mandáronnos a Pinocho cunha maleta cargada de productos típicos, desde pasta a unha cafetera, dentro dun dos nosos proxectos Etwinning.
Descubride con nós o que nos trouxo Pinocho e o paseo que se deu por Pontevedra!
Quen é o escritor co que aparece o final do vídeo?
O pasado venres, 19 de xaneiro, os alumnado de 5 anos foi gravar un programa de radio sobre o aprendido durante estes meses na clase sobre Velázquez. A verdade é que foi unha sesión moi amena aínda que a moitos lles invadiu a vergonza por ter os micros diante. Aquí vos deixamos o enlace do programa de radio para que aprendades con eles, polo que subide o volume dos altavoces e a disfrutar!
Cristina, Uxía, Paula, Soraya, Ismael e Dani son @s nos@s alumn@s de 6º curso e este ano marchan do colexio, viñero á Radio Pirata Campañó a falarnos un pouco do que foi o seu paso pola escola e algunhas das súas lembranzas e experiencias. Esto foi o que nos contaron:
Segundo o artigo 12 da Convención sobre os Dereitos do Neno (a) do 20 de novembro de 1989 aprobada polas Nacións Unidas e ratificada por moitos países incluidos España: O neno ten dereito a expresar a súa opinión e a que este se teña en conta nos asuntos que lle afectan. En moitas ocasións esquecemos este dereito, pero non no CEIP de Parada-Campañó, e por eso na Radio Pirata Campañó estreamos un novo programa chamado A Escola Escoita na que o noso alumnado explica algunhas das necesidades e cuestións que se deberían mellorar na escola.
Que todo o mundo estea moi atento ao que nos contan por unha banda Iris e Daniel de 4º de Primaria e Laura e Elena de 5º de Primaria por outra. Eles xunto coa axuda d@s seus/súas compañeir@s elaboraron unha boa lista de cousas que hai que mellorar na escola, escoitade.
Hoxe no programa do clube de radio: "Os 4 tolos", falamos da actualidade que atopamos a diario na prensa. Nesta ocasión tratamos unha nova que recollía La Voz de Galicia sobre o acoso escolar titulada: El 70% de los menores que sufre acoso escolar lo padece a diario. A nova publicábase na prensa este pasado martes 26 e podédela ler íntegramente eiquí. Estas foron as súas opinións.
Aproveitando que este ano o Día das Letras Galegas está adicado a Manuel María, na aula de Audición e Linguaxe, traballamos cos seus poemas e tamén mediante a radio para afianzar a xeneralización dalgúns fonemas cos que tiñamos algunha dificultade ao comezo de curso. Ademais a poesía combinada coa música permítenos traballar moi ben outros aspectos da fala como é a prosodia.
Neste caso David Corredoira da clase de 2º de Primaria recítanos o poema "O arco da vella" nunha versión rap inventada por el. Mirade que ben o fai.
Este vídeo é parte dunha entrevista que fixemos en Radio Pirata Campañó falando sobre a figura de Manuel María, escoitade tamén o que nos contou David.
Gabriel, Pablo, David e Yoel son nenos de 5º de Primaria que teñen o seu propio programa dentro da Radio Pirata Campañó, chamado "Os 4 tolos".
Nesta ocasión viñeron a contarnos boas novas atopadas na prensa. Semella que cada día é máis difícil atopar novas que falen de cousas positivas e estes catro alumnos do cole viñeron a darnos unha mostra de que si se busca ben, tamén existen as boas novas.
Hoxe 8 de abril é o Día Internacional do Pobo Xitano lévanse a cabo festexos en todo o mundo e tamén nas escolas. Nós non queríamos ser menos e quixemos coñecer un pouco máis a Mateo, Diego e Jonás que chegaron novos ao cole este mesmo ano.
Viñeron ata a Radio Pirata Campañó a contarnos un pouquiño da súa vida e aproveitamos para ver o vídeo da campaña que a Fundación do Secretariado Xitano leva a cabo este ano, titulado #TelebasuraNoEsRealidad, no que se denuncian os realities televisivos tipo Palabra de Gitano ou Los Gipsy Kings. Estos programas potencian tópicos e prexuizos que a sociedade ten contra este pobo amable que vive con nós dende fai séculos.
Nós tamén cremos que a telebasura non é a realidade e que a mellor forma de coñecela é achegándonos a ela, porque xa o decía Albert Einstein...
Hoxe por fin tocáballe ás rapazas facer o seu primeiro programa de radio, e nesta ocasión tivemos a sorte de poder disfrutar da compañía de Cristina, Paula e Soraya que lle fixeron unha entrevista á nosa Xefa de Estudos e mestra de infantil, María.
Aquí tendes o podcast co resultado, agardamos que vos guste.
Aproveitando que o día 24 de febreiro festéxase en toda Galicia o día de Rosalía de Castro en conmemoración ao seu nacemento, un novo grupo de nenos composto por Dani B., Ismael e Dani C. fixeron un programa de presentación e leron un cacho do poema "Adiós ríos, adiós fontes".
Aquí está o podcast, agardamos que vos guste.
Deixámosvos tamén esta preciosa ilustración da escritora feita por Aurora Cascudo Román
Hoxe tivemos un novo fito na escola, estreamos a nosa emisora de radio, "Radio Pirata Campañó"! Aproveitamos para conmemorar que mañá día 13 de febreiro, a UNESCO e as Nacións Unidas festexan o Día Mundial da Radio e fixemos un programa de proba durante o recreo.
Cun montón de problemas técnicos pero content@s de poder iniciar esta andaina que levará a voz dos nenos e nenas do CEIP de Parada-Campañó a todos os recunchos do mundo, Pablo, David, Yoel e Gabriel de 5º de Primaria xunto co mestre Javier de Audición e Linguaxe, mantiveron unha pequena charla e puxeron algo de música. Pronto teredes máis novas desta potente ferramenta escolar, polo de agora aquí podedes escoitar as nosas voces.
Premede no botón laranxa e blanco de "Play" para escoitar a nosa emisión.
