VIDEOCLIP FIN DE CICLO DO ALUMNADO DE 6º ED.INFANTIL

RI, CORRE RI, SALTA! | Paco Pakolas | CEIP Plurilingüe de Parada-Campañó

Videoclip oficial de "Ri, corre Ri, salta", canción de Paco Pakolas publicada por Editorial Galaxia, realizado como proxecto de fin de ciclo do alumnado de 6º de Educación Infantil do CEIP Plurilingüe de Parada-Campañó (Pontevedra) durante o curso 2025-2026.

Este traballo nace da ilusión, da creatividade e do esforzo compartido entre alumnado, profesorado e familias, converténdose nun recordo moi especial para despedir unha etapa chea de aprendizaxes, xogos, descubrimentos e momentos inesquecibles.

Queremos agradecer especialmente a colaboración de Paco Pakolas, que compartiu con nós esta fermosa aventura musical.

Produción: María Fanjul González e familias.
Participan: Alumnado de 6º de Educación Infantil do CEIP Plurilingüe de Parada-Campañó.
Canción: Ri, corre Ri, salta
Artista: Paco Pakolas.
Curso: 2025-2026.

Grazas a todas as persoas que fixeron posible este proxecto e, moi especialmente, ás familias polo seu apoio e implicación.

Un recordo para sempre dunha promoción marabillosa.

OBRADOIRO DE SAÚDE "APRENDEMOS A COIDAR A NOSA PEL"

No noso centro educativo tivemos a sorte de participar nun interesante e divertido obradoiro sobre o coidado da pel, dirixido ao alumnado e impartido por dúas grandes profesionais do Centro de Saúde de Lérez: unha pediatra e unha enfermeira.

Durante a sesión, aprendemos moitas cousas importantes sobre a pel, que é o órgano máis grande do noso corpo. Explicáronnos como está formada, falándonos dos seus tecidos e das súas funcións principais, como protexernos do exterior e axudar a regular a temperatura do corpo.

Tamén nos deron consellos moi útiles para o seu coidado diario. Falamos da importancia de manter a pel limpa e ben hidratada, así como de escoller correctamente as cremas máis axeitadas para cada tipo de pel. Outro dos temas que máis nos chamou a atención foi a protección solar: aprendemos cando e como debemos usar crema solar, mesmo nos días nubrados, e a importancia de protexernos do sol para evitar danos a curto e longo prazo.

O obradoiro foi moi participativo e dinámico, o que fixo que o pasáramos xenial mentres aprendíamos cousas novas e moi útiles para o noso día a día.

Queremos agradecer ás profesionais do Centro de Saúde de Lérez a súa visita e a súa dedicación. Grazas a elas, agora sabemos un pouco máis sobre como coidar a nosa pel e a nosa saúde.

Tedes máis fotos pinchando nos seguintes enlace:

Fotos ciclo infantil

Fotos primaria

OBRADOIRO DE PLANTACIÓN DE CACTUS (6ºEI - 5 anos)

 Hoxe na nosa aula vivimos unha xornada moi especial: convertémonos en pequenos xardineiros e xardineiras! Aproveitando que xa está aquí a primavera, realizamos un obradoiro moi divertido no que plantamos cactus reutilizando envases de iogur.

Primeiro falamos un pouquiño da primavera, unha estación do ano na que a natureza esperta: as plantas medran, as flores enchen todo de cor e os días son máis longos e luminosos. É un momento perfecto para coidar e observar como medran as plantas.

Falamos dos diferentes tipos de cactus, algúns levan pinchos, os diferentes tamaños,...e desa amplia variedade, nós tiñamos 3 opcións para plantar.

Despois puxémonos mans á obra! Cada neno co seu envase de iogur que reutilizamos como pequena maceta. Enchémolo con terra e plantamos un pequeno cactus. Aprendemos que, aínda que os cactus son plantas especiais que precisan pouca auga, tamén necesitan coidado e atención para medrar sans.

Tamén descubrimos algunhas partes dos cactus:

• Raíz, que está debaixo da terra e axuda a absorber a auga.

• Talo, que é a parte grosa e verde onde almacenan a auga.

• Esquiñas, que protexen a planta e evitan que perda auga.

Falamos das súas características principais: os cactus viven en lugares secos, poden gardar auga durante moito tempo e non precisan regarse moi a miúdo.

Agora deixaremos os nosos cactus na aula para observalos día a día e ver como medran. 

Cando sexan un pouco máis grandes, teremos que transplantalos a macetas máis grandes para que sigan medrando fortes e sans.

Foi unha actividade moi divertida na que aprendemos moito sobre as plantas e o coidado da natureza. Estamos desexando ver como evolucionan os nosos pequenos cactus! 🌵

O TANGRAM E A METODOLOXÍA STEAM

 O tangram é un recurso manipulativo moi completo para traballar na etapa de Educación Infantil e reforzar a metodoloxía STEAM (Ciencia, Tecnoloxía, Enxeñaría, Arte e Matemáticas) dun xeito lúdico e motivador.

A través das súas sete pezas xeométricas, as nenas e nenos de 5 anos experimentan coa composición e descomposición de formas, desenvolvendo o pensamento lóxico-matemático (Matemáticas) e explorando conceptos como tamaño, simetría e orientación no espazo (Ciencia). Ao intentar construír figuras, poñen en práctica a resolución de problemas e o razoamento (Enxeñaría), probando diferentes hipóteses ata atopar a solución.

Ademáis, o tangram potencia a creatividade e a expresión artística (Arte), xa que permite crear animais, persoas ou obxectos a partir das mesmas pezas. Se incorporamos retos dixitais ou propostas interactivas, tamén podemos introducir a dimensión tecnolóxica (Tecnoloxía).

En definitiva, o tangram é unha ferramenta sinxela pero moi potente para fomentar a aprendizaxe activa, o pensamento crítico e a autonomía desde idades temperás, integrando as distintas áreas STEAM dun xeito natural e significativo.

OBRADOIRO DE INTELIXENCIA EMOCIONAL

 No noso colexio entendemos que educar non é só transmitir coñecementos académicos, senón tamén acompañar o crecemento persoal do alumnado. Tal e como explicou o psicólogo Daniel Goleman, a intelixencia emocional é clave para o benestar e o éxito na vida.

As intelixencias emocionais axúdannos a identificar, comprender e xestionar as nosas propias emocións. Cando un neno ou nena aprende a poñerlle nome ao que sente —alegría, medo, frustración ou ilusión— está dando o primeiro paso para coñecerse mellor e actuar con equilibrio.

Pero a educación emocional non remata en nós mesmos. A través das nosas propias experiencias e vivencias, aprendemos tamén a recoñecer as emocións e sentimentos alleos. Aquí entra en xogo a empatía, esa capacidade de poñerse no lugar do outro, comprender como se sente e actuar con respecto e agarimo.

Fomentar o respecto, a colaboración e o agarimo nas aulas crea un ambiente seguro e positivo onde cada persoa se sente valorada. Cando o alumnado aprende a escoitar, compartir e traballar en equipo, está a construír habilidades sociais fundamentais para o presente e o futuro.

Os de 5 anos estamos levando a cabo sesións semanais disfrutando, coa mestra-alumna de prácticas (Carlota) de actividades de concienciación, onde traballamos o que sentimos para entender o que sinten os demáis.

Hoxe centrámonos nos nenos e nenas ós que lle falta algunha extremidade. Visualizamos primeiro unha curtametraxe sen comentar nada previamente. Observación:

Despois, no ximnasio, comentamos a curtametraxe brevemente e cada un debía escoller se quería debuxar e escribir o e seu nome coa boca ou coa pés.

A maioría preferiu cos pés ...

...pero...

...cos pés, polo visto, cansa moito e prefiren pintar coa boca.

Finalizamos con unha posta en común e, aínda que foi una sesión divertida, comprenderon as dificultades que outras persoas teñen e como lles inflúe noutras aspectos da vida, non só debuxando cos rotulares.

Educar nas emocións é educar para a vida. Porque un colexio que coida as emocións está a formar persoas máis conscientes, solidarias e felices.

DÍA DA PAZ 2026

No noso colexio celebramos o Día da Paz como unha xornada moi especial para reflexionar sobre a importancia da paz, da non violencia, do compañeirismo e de estar unidos. 

Ao longo dos días previos, en cada aula realizáronse diferentes traballos relacionados con este día, en pequeno grupo e coa colaboración dos compañeiros e compañeiras: manualidades, vídeos, fichas, asembleas e outras actividades que nos axudaron a pensar e a compartir ideas. 

En primaria enchéronse de cor as nubes cheas de paz e creando arcos da vella que compartían preciosas mensaxes.

En infantil creáronse recursos audiovisuais, analizáronse curtas, realizáronse manualidades e reflexionaron sobre a importancia de levarse ben cos compis, coloreando debuxos como remtae.

Tamén se realizaran actividades dixitais integrando o proxecto anual de centro e as novas tecnoloxías como esta poesía coa voz en off do alumnado:

 Ademais, os distintos cursos traballaron varias cancións nas sesións de música, que finalmente se dramatizaron de maneira conxunta no patio do colexio. O acto comezou coa lectura dun manifesto a cargo do alumnado de 6º de Educación Primaria, lembrándonos que a paz constrúese cada día con respecto, diálogo e unión entre todos e todas.

Para ver máis fotos, PINCHADE NESTE ENLACE.

OBRADOIRO DE GALLETAS DE GALLETAS DE NADAL (CICLO DE INFANTIL)

O pasado luns, 15 de decembro, o ciclo de infantil levou a cabo un obradoiro de Nadal onde  puxemos mans na fariña"!!!...e nos ovos, no aceite, no azucre..

En 3 grupos mesturados os nenos e nenas de 3,4,5 anos pasaron polas diversas aulas nas que, en cada unha, había un reto que facer:

AULA 1: Elaboración da receita.

AULA 2: Realizar a masa

AULA 3: Creación e decoración da caixa para gardalas e levalas a casa (ou comelas antes)

A verdade e que disfrutamos moitísimo desta xornada escolar tan divertida xunto con todos os compañeiros de ciclo.

Para ver todas as FOTOS deste día, podedes pinchar neste enlace.

OBRADOIRO FAMILIAR: COLARES DE CUNCHAS (5ºEI)

 Que sorte tivemos de poder escoitar a Teresa, a avoa de Adrián, contoumos historias de cando ela era pequena, cantounos cancións e ata nos ensinou a facer colares con cunchas,  coma os que vendía ela na Illa da Toxa. 

Agardamos que veñas outra vez.

OBRADOIRO DE FAMILIA: UN CESTO DE PEIXES

 A nai de Lucas, de 5 anos, veu facer un obradoiro en 6º EI en relación co proxecto que estamos traballando no cole de "Mares e Océanos".

Trouxo unha cesta chea de pescados e mariscos para coñecer como son, os seus nomes e as súas carctarísticas.

Aprendemos a desescamar algúns peixes coas ferramentas precisas, a cortarlle aletas,...

...e tamén a quitarlle as tripas que era ASQUEROSIÑO!!! jajaja

Tamén tocamos as sardiñas, os chipiróns, calamares, rapantes, ameixas, berberechos,...

Pero todos estaban dacordo en que lles gustaba comer pescado.