OBRADOIRO DE PLANTACIÓN DE CACTUS (6ºEI - 5 anos)

 Hoxe na nosa aula vivimos unha xornada moi especial: convertémonos en pequenos xardineiros e xardineiras! Aproveitando que xa está aquí a primavera, realizamos un obradoiro moi divertido no que plantamos cactus reutilizando envases de iogur.

Primeiro falamos un pouquiño da primavera, unha estación do ano na que a natureza esperta: as plantas medran, as flores enchen todo de cor e os días son máis longos e luminosos. É un momento perfecto para coidar e observar como medran as plantas.

Falamos dos diferentes tipos de cactus, algúns levan pinchos, os diferentes tamaños,...e desa amplia variedade, nós tiñamos 3 opcións para plantar.

Despois puxémonos mans á obra! Cada neno co seu envase de iogur que reutilizamos como pequena maceta. Enchémolo con terra e plantamos un pequeno cactus. Aprendemos que, aínda que os cactus son plantas especiais que precisan pouca auga, tamén necesitan coidado e atención para medrar sans.

Tamén descubrimos algunhas partes dos cactus:

• Raíz, que está debaixo da terra e axuda a absorber a auga.

• Talo, que é a parte grosa e verde onde almacenan a auga.

• Esquiñas, que protexen a planta e evitan que perda auga.

Falamos das súas características principais: os cactus viven en lugares secos, poden gardar auga durante moito tempo e non precisan regarse moi a miúdo.

Agora deixaremos os nosos cactus na aula para observalos día a día e ver como medran. 

Cando sexan un pouco máis grandes, teremos que transplantalos a macetas máis grandes para que sigan medrando fortes e sans.

Foi unha actividade moi divertida na que aprendemos moito sobre as plantas e o coidado da natureza. Estamos desexando ver como evolucionan os nosos pequenos cactus! 🌵

CLUB DE TENIS (5º EP)

O pasado mércores 18, o alumnado de 5º de Educación Primaria realizou unha actividade complementaria no Club de Tenis, coa finalidade de coñecer máis de preto este deporte e ter a oportunidade de practicalo.

Durante a visita, os nenos e nenas puideron aprender as normas básicas do tenis, familiarizarse co material empregado e participar en diferentes xogos e exercicios adaptados á súa idade, guiados por monitores especializados. A actividade resultou moi motivadora e permitiu fomentar hábitos saudables, o traballo en equipo e o respecto polas normas do xogo.
O alumnado gozou moito da experiencia e mostrou unha actitude moi participativa e respectuosa en todo momento.
Seguiremos promovendo este tipo de actividades que contribúen á formación integral dos nenos e nenas.

Pata ver máis fotos, PINCHADE NESTE ENLACE.

A GRAVACIÓN DOS VÍDEOS PARA O VIDEOCLIP DE "UXÍA LAMBONA E A BANDA MOLONA"

Hai un tempo vimos esto da banda de música infantil "UXÍA LAMBONA E A BANDA MOLONA":

Así que puxémonos mans á obra e convertímosnos en INTERMEDIARIOS entre a banda e o alumnado.Pr iso, previamente enviamos a información ás familias para contar coa autorización pertinente e preparamos os accesorios para a cabeza como utilizan os directos os membros da banda.

Desde o colexio gravamos os vídeos dos peques bailando e cantando a canción e, a banda de Uxía Lambona , é a que vai utilizar eses videos, editalos, escoller a parte dos vídeos,...de todos os colexios que lles manden e elaborarán o videoclip con todos eles! 

A nosa parte, que foi a gravación dos vídeos, xa está feita. Hoxe pasámolo xenial bailando "ODESSA", é unha canción súper divertida!

Aquí deixámosvos uns clips dos vídeos nos que bailaron (Cando o videoclip se publique,subiremos estes vídeos na totalidade)

Para rematar, fixemos un último baile todos xuntos! 

FOI XENIAL! 

QUE GANIÑAS DE VER O RESULTADO!

8M - DÍA INTERNACIONAL DA MULLER

O 8M, Día Internacional da Muller, é unha data moi especial para lembrar que todas as persoas somos iguais e merecemos as mesmas oportunidades.

Esta celebración ten a súa orixe nas loitas de moitas mulleres valentes que, ao longo da historia, pediron poder estudar, traballar e participar na sociedade nas mesmas condicións ca os homes. Grazas a elas, hoxe vivimos nun mundo máis xusto, aínda que seguimos traballando para que a igualdade sexa real en todos os lugares.

No cole, o 8M é unha oportunidade para falar coas nenas e os nenos sobre o respecto, a amizade e a importancia de compartir xogos, soños e responsabilidades sen diferenzas. Porque non hai cores, profesións nin xogos “de nenas” ou “de nenos”: todo é para todas e todos.

Para iso, traballamos unha poesía que recitamos e lle puxemos un toque audiovisual que agardamos que vos guste:

Tamén elaboramos unhas flores moi especiais creadas coas nosas mans, mans que axudan, que tenden unha man a quen o precisa, que abrazan, que aloumiñan...mans violetas cheas de amor que florecen en todas partes.

 

Celebrar o 8M é aprender a coidarnos, a valorarnos e a construír xuntas e xuntos un mundo mellor, máis igualitario e cheo de oportunidades. 💜

Tamén tedes na biblioteca unhas recomendacións literarias para ler este día e invitámosvos a visitar o blog da Rufiteca pinchando NESTE ENLACE.

Across the pond

 

Continuamos as entrevistas a Anika, a nosa auxiliar de conversa, para coñecer mellor as semellanzas e diferenzas entre os nosos paises, as súas costumes e día a día. Tamén sobre as súas efccións, tempo libre e o que lle gusta do noso país.Que nos contará hoxe?

SAÍDA AO TEATRO : "MÁIS SABOR!"

Os alumnos e alumnas de 3º e 4º de Primaria tivemos unha excursión moi especial para ir ao teatro a ver a divertida obra “Máis Saaabor!”. Foi unha experiencia chea de música, risas e moita imaxinación.

Nesta ocasión, dous refinados —e moi cómicos— chefs abriron a súa nova casa de xantar na vila. Alí prepararon un menú degustación con sabores dos cinco continentes, pero non era un menú calquera… ¡era un menú moi musical! Mentres cociñaban, aparecían xogos cómicos, trucos de maxia e instrumentos feitos con utensilios de cociña, convertendo os fogóns nun auténtico escenario.

Os protagonistas, ofrecéronnos un espectáculo moi divertido no que aprendemos que a comida pode ser variada, equilibrada e saudable, e que tamén pode estar chea de ritmo e creatividade.

Durante a función non faltaron as gargalladas nin os momentos sorprendentes. Entre música, maxia e moito humor, fixéronnos ver que cociñar tamén pode ser un xogo e unha forma de aprender sobre os alimentos de diferentes partes do mundo.

Foi unha excursión moi especial que nos permitiu gozar do teatro, aprender sobre alimentación e compartir un momento diferente cos compañeiros.

Sen dúbida, saímos do teatro cun sorriso… e con moitas ganas de dicir:

Máis Saaabor! 

JUDO ( 4º EP)

 O xoves 26 de febreiro, o alumnado de 4º de Primaria, tivo unha sesión de iniciación ao Judo. Alberto, cinturón negro 3º Dan, que xa viñera en cursos pasados, ensinounos uns xogos e algunha inmovilización e chave deste deporte. Pasámolo xenial.

Para ver máis fotos, PINCHAR AQUÍ.

FEDERACIÓN GALEGA DE LOITA

 O 24 de febreiro, visitaron o colexio Saúl e Candela, deportistas da Federación Galega de Loita, para amosarnos o seu deporte. Practicamos uns xogos moi divertidos relacionados coa loita. O próximo 10 de marzo, na xornada de convivencia deportiva de Adespont no Pavillón de Deportes de Pontevedra, volveremos a xogar a eles co resto de colexios.

Para ver máis fotos, PINCHAR AQUÍ.

O TANGRAM E A METODOLOXÍA STEAM

 O tangram é un recurso manipulativo moi completo para traballar na etapa de Educación Infantil e reforzar a metodoloxía STEAM (Ciencia, Tecnoloxía, Enxeñaría, Arte e Matemáticas) dun xeito lúdico e motivador.

A través das súas sete pezas xeométricas, as nenas e nenos de 5 anos experimentan coa composición e descomposición de formas, desenvolvendo o pensamento lóxico-matemático (Matemáticas) e explorando conceptos como tamaño, simetría e orientación no espazo (Ciencia). Ao intentar construír figuras, poñen en práctica a resolución de problemas e o razoamento (Enxeñaría), probando diferentes hipóteses ata atopar a solución.

Ademáis, o tangram potencia a creatividade e a expresión artística (Arte), xa que permite crear animais, persoas ou obxectos a partir das mesmas pezas. Se incorporamos retos dixitais ou propostas interactivas, tamén podemos introducir a dimensión tecnolóxica (Tecnoloxía).

En definitiva, o tangram é unha ferramenta sinxela pero moi potente para fomentar a aprendizaxe activa, o pensamento crítico e a autonomía desde idades temperás, integrando as distintas áreas STEAM dun xeito natural e significativo.

OBRADOIRO DE INTELIXENCIA EMOCIONAL

 No noso colexio entendemos que educar non é só transmitir coñecementos académicos, senón tamén acompañar o crecemento persoal do alumnado. Tal e como explicou o psicólogo Daniel Goleman, a intelixencia emocional é clave para o benestar e o éxito na vida.

As intelixencias emocionais axúdannos a identificar, comprender e xestionar as nosas propias emocións. Cando un neno ou nena aprende a poñerlle nome ao que sente —alegría, medo, frustración ou ilusión— está dando o primeiro paso para coñecerse mellor e actuar con equilibrio.

Pero a educación emocional non remata en nós mesmos. A través das nosas propias experiencias e vivencias, aprendemos tamén a recoñecer as emocións e sentimentos alleos. Aquí entra en xogo a empatía, esa capacidade de poñerse no lugar do outro, comprender como se sente e actuar con respecto e agarimo.

Fomentar o respecto, a colaboración e o agarimo nas aulas crea un ambiente seguro e positivo onde cada persoa se sente valorada. Cando o alumnado aprende a escoitar, compartir e traballar en equipo, está a construír habilidades sociais fundamentais para o presente e o futuro.

Os de 5 anos estamos levando a cabo sesións semanais disfrutando, coa mestra-alumna de prácticas (Carlota) de actividades de concienciación, onde traballamos o que sentimos para entender o que sinten os demáis.

Hoxe centrámonos nos nenos e nenas ós que lle falta algunha extremidade. Visualizamos primeiro unha curtametraxe sen comentar nada previamente. Observación:

Despois, no ximnasio, comentamos a curtametraxe brevemente e cada un debía escoller se quería debuxar e escribir o e seu nome coa boca ou coa pés.

A maioría preferiu cos pés ...

...pero...

...cos pés, polo visto, cansa moito e prefiren pintar coa boca.

Finalizamos con unha posta en común e, aínda que foi una sesión divertida, comprenderon as dificultades que outras persoas teñen e como lles inflúe noutras aspectos da vida, non só debuxando cos rotulares.

Educar nas emocións é educar para a vida. Porque un colexio que coida as emocións está a formar persoas máis conscientes, solidarias e felices.