CHARLA "ALIMENTACIÓN SAUDABLE" (3º E 4º EP)

 O venres 7 de marzo o alumnado de 3 e 4 de primaria participaron na actividade Alimentación saudable e deporte  organizada pola concellaría de deportes.

Saúde, alimentación e actividade física é un proxecto educativo elaborado desde o SD Teucro, coa finalidade de responsabilizar aos escolares na defensa da saúde propia e colectiva.

Unha alimentación pouco saudable e o non practicar actividade física con regularidade son as principais causas das enfermidades crónicas máis importantes e ambas son modificables.

Disfrutamos moito coa actividade e sen dúbida tentaremos coidarnos un pouquiño máis.

OBRADOIRO DE COCIÑA DE ENTROIDO EN 3 E 4 ANOS: FILLOAS GALEGAS

Imos ver as sesións de cociña neste entroido en cada unha das aulas! Vinde! 

AULA DE 3 ANOS

Esta semana na clase de 3 anos, como non podía ser doutro xeito, metémonos de cheo no Entroido; ademáis de preparar os disfraces para a actuación do último día tamén fixemos dous obradoiros de filloas. Primeiro veu a nai de Breogán,  que é unha experta facendo sobremesas a ensinarnos.

 Despois traballamos os ingredientes na clase e por último xa nos lanzamos nos sós. E non nos sairon nada mal, coméronse todas,  non sobrou nadiña. 

Nos engadimos un ingrediente segredo, chocolate blanco e negro, derretido. Éxito asegurado 

AULA DE 4 ANOS

Estamos no medio destas semanas de troula e imos facer un obradoiro de cociña, facendo nós mesmos as filloas galegas e degustalas ata fartar!

O primeiro que fixemos foi falar de todo o material:

- Sartén

- Cociña

- Batidora

- Envase para facer a mestura

- Cucharón

- Báscula

- Espumadeira

- Tenedor de pau

Tamén precisamos ingredentes como:

- Ovos (da casa)

- Fariña

- Leite (do cole)

- Auga

- Un chisquiño de sal

- Aceite para que non se pegue na sartén

- Azucre para o final 

(tamén botaríamos nata ou nutela)

Comezamos botando todos os ingredentes. por turnos, fomos botando a fariña mestres pesabamos a cantidade que se precisaba (tamén o fixemos co leite e coa auga):

Xa está todo dentro, contado e pesado.

Polo que toca...MESTURALO!!! 

Así que collimos a batidora e puxémonos mans á obra!

Así quedou todo mesturadiño!!!

Toca o momento de facelas coa sartén e a cociña pero iso o imos deixar para a profe porque temos medo de quemarnos. É un pouquichiño perigoso...ademáis, se se queman, a culpa lévala ela! jeje

Mentres ela as facía, nós merendabamos as nosas merendas vendo os debuxos animados 

do Xabarín Club.

Que boa pinta tiñan e que gañas de comela!!!

Despois do recreo, tiñamos sede e MOITA FAME!! Polo que disfrutamos degustándoas!!!

Creo que chegou o momento de devoralas!! Mirade o vídeo pinchando na imaxe de abaixo.

Algúns quixeron repetir ata que...

...ata que remataron con todas!!!