Na semana do 18 ao 22 de novembro unha representación de mestras do noso cole, acompañadas de asesoras do CFR de Pontevedra, visitaron o centro educativo Veikkolan Koulu en Finlandia.
Con esta visita remata a participación no Programa Observa-Acción coa fase 4, despois de pasar por unha observación no propio centro, un intercambio cun centro educativo de Arteixo e un intercambio cun centro de Burgos, nos anteriores cursos 22-23 e 23-24.
O obxectivo deste programa foi observar e intercambiar experiencias para fomentar o desenvolvemento das competencias profesionais docentres. Nesta última visita tamén se reflexionou sobre o desenvolvemento educativo en ambos países.
A continuación deixamos enlaces a unha publicación no Instagram do CFR de Pontevedra e unha noticia no xornal do Diario de Pontevedra.
