Chegou o día desexado, o día do chocolate, o día máis doce e onde hai moito xogo!!! Os de 4 anos atoparon na clase, nada máis chegar, unha bolsiña cun coelliño debuxado. Quen a traería? Todos os de 4 anos, e os das outras aulas, estaban apurando o feito de quitar abrigos e poñer os mandilóns porque a aventura ía comezar en calquer momento.
Despois de intentar averiguar que había na bolsa porque non abultaba nada, descubrimos que había anacos de ovos de pascua de cores. E lembrando, lembrando...os de 4 e 5 anos, os veteranos, decatáronse que seguro que o Coello de Pascua os agachara nalgures. Seria no ximnasio como o curso pasado? Tamén podería ser na Rufiteca, non si?
Pero desto, chegou a profe Tanya, e comentou que vira movemento no patio de infantil pero que non puido vere quen andaba por aí!
De seguro que é aí onde os agochou!! Por turnos, marchamos ó patio: primero os de 4 anos, despois os de 5 anos e, por último, os de 3 anos que este curso se estrean como os rescatadores de ovos!!!
Despois, marchamos as nosas clases, e , NA CLASE DE 3 ANOS, decoraron os cestiños para meter os ovos de chocolate e fixeron unhas diademas.
NA CLASE DE 5 ANOS fixeron unhas máscaras de coelliños de Pascua. Na búsqueda de ovos tiveron que atopar a metade que faltaba para completar o ovo. Pola parte de atrás tiña un enigma para resolver utilizando un código secreto. Tratábase de adiviñar o nome dunha personaxe de película para poder coller a recompensa final.
NA CLASE DE 4 ANOS, atoparon á volta do patio unha cesta con bolsiñas cheas de cousas pero cunhas tarxetas con debuxos xunto cunha bolsa de coello azul. Como xa están aprendendo a ler, tiveron que ir metendo a man na bolsa, sacar ó chou unha tarxeta e lela. Cando a leran, debían adiviñar a PALABRA que poñía e descubrir a bolsa que tiña a tarxeta co debuxo desa palabra.
Pensades que non foron capaces? Pois estades moi equivocados porque o acertaron todos sen axuda!
A modo de resumen, grabamos un pequeno vídeo da aventura da BÚSQUEDA (dura uns 8 min, así que, se queredes, podedes ver o que, máis ou menos, fixemos as 3 aulas). Por certo, houbo algún que outro ovo que estaba tan ben agochado que non o daban atopado...jejej)
Na clase sempre houbo algún que outro momento de "degustación" de chocolate porque as ansias eran ENORMES!!!
Como remate da xornada fixemos unha sesión de cine na Rufiteca proxectando a peli "Rabbit School: Los guardianes del huevo de oro"
ESTAMOS AGARDANDO QUE CHEGUE A PRÓXIMA PASCUA 2026!!!
Os alumnos de 4.º de Primaria gozaron dunha xornada especial no día de hoxe dedicada á saúde, na que concluiron con todo o aprendido sobre a importancia do benestar físico e os hábitos saudables durante este último proxecto.
Para comezar, tiveron o privilexio de recibir a dúas nais médicas, quen ofreceron unha interesante charla sobre as enfermidades infecciosas e non infecciosas.
Grazas á súa explicación, comprenderon mellor como previlas e coidar a súa saúde. Agradecemos enormemente o seu tempo e dedicación.
Ademais, contaron coa visita do Club Deportivo de Balonmán Teucro, que lles falou sobre a importancia dunha dieta saudable e ensinoulles os diferentes tipos de alimentos que deben consumir para manterse sans e con enerxía.
Outro momento destacado desta unidade foi a saída ao Estadio Pasarón, onde o Club de Fútbol Pontevedra ensinoulles a importancia do deporte, o traballo en equipo e a actividade física frecuente. Foi unha experiencia moi enriquecedora que nos motivou a seguir practicando deporte.
Para finalizar, o persoal médico do Centro de Saúde de Lérez impartiron unha charla sobre a importancia dunha alimentación equilibrada e informáronnos acerca dos distintos trastornos alimentarios que existen. Aprenderon moito sobre como levar unha dieta saudable e coidar a nosa relación coa comida.
Sen dúbida, este Día da Saúde foi unha xornada moi educativa e enriquecedora para todos.
Grazas a todos os profesionais que nos visitaron e axudáronnos a aprender máis sobre a importancia da saúde na nosa vida diaria!
.JPG)
.JPG)
.JPG)
.png)
.png)
.png)
.png)