A continuación compartimos o resultado final, o deseado VIDEOCLIP do que formamos parte. Moitos colexios participamos e, por iso, os vídeos dos bailes son curtiños pero foi unha ilusión moi grande participar nel!!!
O 23 de abril celebramos o DÍA DO LIBRO e, en todo o centro, houbo variedade de actividades para conmemorar ese día como...
...creación de marcapáxinas mariños en primaria preciosos.
O alumnado de primaria confeccionou un "VALADO LITERARIO" e que está exposto na entrada ao colexio coa frase "Canto máis les máis libre es"
Para ver máis fotos desta xornada, pinchade NESTE ENLACE.
O pasado día levouse a cabo no noso colexio un simulacro de emerxencia no que participaron membros dos bombeiros e da policía local, co obxectivo de preparar ao alumnado e ao profesorado ante unha posible situación de risco.
A actividade consistiu na simulación dun incendio que, supostamente, se iniciara nunha das aulas do centro. Como parte do protocolo de seguridade, esa clase permaneceu confinada, mentres que o resto do alumnado foi evacuado do edificio de maneira ordenada.
Durante o simulacro, todo o alumnado respondeu de forma exemplar, saíndo das instalacións con total normalidade e tranquilidade, seguindo en todo momento as indicacións do profesorado. O exercicio permitiu comprobar a eficacia dos plans de evacuación e a boa coordinación entre os distintos membros da comunidade educativa.
Pola súa banda, os bombeiros e a policía local supervisaron o desenvolvemento da actividade, ofrecendo tamén explicacións adaptadas á idade do alumnado sobre como actuar en caso de emerxencia e a importancia de manter a calma nestas situacións.
Os máis pequenos tiveron a oportunidade de subirse ó camión de bombeiros que é ENORME!!!
Este tipo de iniciativas resultan fundamentais para garantir a seguridade no ámbito escolar, ao tempo que axudan a concienciar aos máis pequenos sobre a prevención e a resposta ante posibles perigos.
No noso centro educativo tivemos a sorte de participar nun interesante e divertido obradoiro sobre o coidado da pel, dirixido ao alumnado e impartido por dúas grandes profesionais do Centro de Saúde de Lérez: unha pediatra e unha enfermeira.
Durante a sesión, aprendemos moitas cousas importantes sobre a pel, que é o órgano máis grande do noso corpo. Explicáronnos como está formada, falándonos dos seus tecidos e das súas funcións principais, como protexernos do exterior e axudar a regular a temperatura do corpo.
Tamén nos deron consellos moi útiles para o seu coidado diario. Falamos da importancia de manter a pel limpa e ben hidratada, así como de escoller correctamente as cremas máis axeitadas para cada tipo de pel. Outro dos temas que máis nos chamou a atención foi a protección solar: aprendemos cando e como debemos usar crema solar, mesmo nos días nubrados, e a importancia de protexernos do sol para evitar danos a curto e longo prazo.
O obradoiro foi moi participativo e dinámico, o que fixo que o pasáramos xenial mentres aprendíamos cousas novas e moi útiles para o noso día a día.
Queremos agradecer ás profesionais do Centro de Saúde de Lérez a súa visita e a súa dedicación. Grazas a elas, agora sabemos un pouco máis sobre como coidar a nosa pel e a nosa saúde.
Tedes máis fotos pinchando nos seguintes enlace:
Hoxe na nosa aula vivimos unha xornada moi especial: convertémonos en pequenos xardineiros e xardineiras! Aproveitando que xa está aquí a primavera, realizamos un obradoiro moi divertido no que plantamos cactus reutilizando envases de iogur.
Primeiro falamos un pouquiño da primavera, unha estación do ano na que a natureza esperta: as plantas medran, as flores enchen todo de cor e os días son máis longos e luminosos. É un momento perfecto para coidar e observar como medran as plantas.
Falamos dos diferentes tipos de cactus, algúns levan pinchos, os diferentes tamaños,...e desa amplia variedade, nós tiñamos 3 opcións para plantar.
Despois puxémonos mans á obra! Cada neno co seu envase de iogur que reutilizamos como pequena maceta. Enchémolo con terra e plantamos un pequeno cactus. Aprendemos que, aínda que os cactus son plantas especiais que precisan pouca auga, tamén necesitan coidado e atención para medrar sans.
Tamén descubrimos algunhas partes dos cactus:
Raíz, que está debaixo da terra e axuda a absorber a auga.
Talo, que é a parte grosa e verde onde almacenan a auga.
Esquiñas, que protexen a planta e evitan que perda auga.
Falamos das súas características principais: os cactus viven en lugares secos, poden gardar auga durante moito tempo e non precisan regarse moi a miúdo.
Agora deixaremos os nosos cactus na aula para observalos día a día e ver como medran.
Foi unha actividade moi divertida na que aprendemos moito sobre as plantas e o coidado da natureza. Estamos desexando ver como evolucionan os nosos pequenos cactus! 🌵
O pasado mércores 18, o alumnado de 5º de Educación Primaria realizou unha actividade complementaria no Club de Tenis, coa finalidade de coñecer máis de preto este deporte e ter a oportunidade de practicalo.
Durante a visita, os nenos e nenas puideron aprender as normas básicas do tenis, familiarizarse co material empregado e participar en diferentes xogos e exercicios adaptados á súa idade, guiados por monitores especializados. A actividade resultou moi motivadora e permitiu fomentar hábitos saudables, o traballo en equipo e o respecto polas normas do xogo.Hai un tempo vimos esto da banda de música infantil "UXÍA LAMBONA E A BANDA MOLONA":
.JPG)
O 8M, Día Internacional da Muller, é unha data moi especial para lembrar que todas as persoas somos iguais e merecemos as mesmas oportunidades.
Esta celebración ten a súa orixe nas loitas de moitas mulleres valentes que, ao longo da historia, pediron poder estudar, traballar e participar na sociedade nas mesmas condicións ca os homes. Grazas a elas, hoxe vivimos nun mundo máis xusto, aínda que seguimos traballando para que a igualdade sexa real en todos os lugares.
No cole, o 8M é unha oportunidade para falar coas nenas e os nenos sobre o respecto, a amizade e a importancia de compartir xogos, soños e responsabilidades sen diferenzas. Porque non hai cores, profesións nin xogos “de nenas” ou “de nenos”: todo é para todas e todos.
Para iso, traballamos unha poesía que recitamos e lle puxemos un toque audiovisual que agardamos que vos guste:
