COMEZAN OS PATIOS DINÁMICOS!

Hai unhas semanas retomamos a experiencia de patios dinámicos que o curso pasado iniciamos.

Igual que o curso pasado, se levará a cabo na hora do recreo dos LUNS.

E antes de dar comezo, levouse a cabo unha reunión co alumnao de 5º e 6º de primaria para pedir a súa colaboración como voluntarios e explicarlles os xogos e as normas de participación neles.

Os nosos compañeiros de primaria estaban desexosos de comezar e foron moitos/as os que se anotaron.

O material, ó igual que o curso pasado, está todo colocado no mesmo recanto para facilitar que cada voluntario/a colla o que necesita para os xogos e o devolva ó rematar.

E cada luns que se leven a cabo os xogos (se a choiva o permite) os voluntarios/as mirarán no listado da entrada a quen lle toca e en que xogos e patio (de infantil ou de primaria).

Ademáis, este curso, os voluntarios estrearon uns chalecos moi chulos co logo dos patios, para que o resto de compañeiros poidan identificalos mellor.