Os membros do equipo de Dinamización da Lingua galega somos conscientes do traballo que supón para os Reis Magos, Papá Noel e demais xentes de xeneroso corazón o reparto de agasallos nestas datas. Con estas pegatinas, elaboradas polo alumnado do colexio, poderán apurar tan ardua tarefa.
Rocío Cedillo é unha gran mestra que se xubilou neste curso escolar. Atrás quedaron moitos anos adicados á ensinanza de moitos nenos e nenas que, moitos deses, xa teñen fillos/as. Pero, a súa etapa como educadora rematou no noso colexio e co alumnado da promoción 2009-2019.
Por iso, Rocío quere mandarlles as súas familias unha mensaxe a través do noso blog xa que, para ela, tamén é un orgullo. Pola nosa parte, agardamos que sexa moi feliz, disfrutando de todo o seu tempo e que non se esqueza de nós. MOITOS BIQUIÑOS.
Estamos inmersos nestas datas cargadas de ilusión nas que o alumnado emana nerviosismo dende que entra ata que sae do cole.
Nestas semanas traballamos arredor do máxico mundo do Nadal, desde o ciclo de Educación Infantil ata o último curso de Primaria e sempre utilizando a nosa lingua, o galego. Decoramos a árbore da entrada, as escaleiras, as cortizas e fixemos moitas actividades nas aulas.
A continuación podedes ver un pequeno vídeo elaborado polo Equipo de Dinamización e Normalización Lingüística que resume as actividades feitas no noso centro con moita emoción e, sobre todo, moita diversión:
Agardamos que vos guste e desexámosvos un BO NADAL EN GALEGO E FELIZ ANINOVO!!!
O pasado martes, os cursos de 1º a 5º de Primaria do cole visitamos a exposición Living Dinosaurios na praza de touros de Pontevedra.
Fixemos un percorrido polas diferentes eras de Tempo Xeolóxico e descubrimos un montón de curiosidades sobre os diferentes dinosaurios que vivían nelas. Até puidemos ver unha peli en 3D na que por momentos parecía que podiamos tocalos! Pasámolo xenial!
