Algo fundamental cada día son as rutinas, especialmente as que desenvolve o encargado/a do día.
Pasar lista, situarnos no día, contarlle aos demais, lendo na tarxeta con pictogramas, o que toca ese día (actividades, especialidades, mestres,..)
Contar ós compañeiros e rexistralo con números no panel correspondente (os que faltan e os que estamos), rexistrar o tempo atmosférico, tachar o día no calendario.....e moitas cousas máis.
Outra das actividades rutinarias que levamos a cabo é ir á biblioteca de centro, que nos primeiros días nos amosou a profe Eugenia, explicándonos o seu funcionamento. E que os xoves nos acompaña e nos axuda a elixir as nosas lecturas.
Na aula tamén temos unha mini biblio para acudir a ela tanto no momento dos recantos, de xeito organizado, como nalgúns momentos libres ou de descanso, cando rematamos de merendar ou unha tarefa.
Nesta ocasión, cos minions proxectados na pizarra desfrutamos e traballamos este aspecto. Ademáis de moitas outras actividades e xogos.
Na aula non temos pizarra pero si proxector e podemos levar a cabo moitas propostas, como nesta ocasión que visionando as fotos das normas, as recordamos entre todos e un compañeiro localiza e nomea a algúns compañeiros que aparecen nela.
E cando precisamos traballar na pizarra dixital, acudimos á aula de informática, como cando a profe nos ensina un xogo didáctico que non coñecemos, e o facemos entre todos antes de facelo individualmente nos ordenadores.
Ou levamos a cabo algúns outro xogo, de observación e atención.
Outra actividade semanal que levamos a cabo é a do "diccionario", traballando cunha letra do alfabeto, pensando en palabras que empezan por esa letra, e pegándoas logo no noso libro. Identificando esas letras en poemas e cancións traballados,...
Cos números e conceptos matemáticos traballamos de continuo, aproveitando calquera situación que se presenta, así como as rutinas do encargado.
Así, aproveitamos para "clasificardns" en dous equipos, nenos e nenas,
para resolver a dúbida de en que grupo éramos máis, rexistralo co
número correspondente e así de paso, divertíndonos, fixarnos nos números
e darnos conta da súa funcionalidade e utilidade.
Pero ademáis traballamos co libro de lóxica-matemática e previamente sempre levamos a cabo actividades manipulativas que nos permitan vivenciar conceptos e entender mellor o que realizaremos no papel.
E diariamente tamén xogamos, de xeito organizado, a veces elixindo recantos libremente coa única condición dun número de nenos nalgúns recantos como o de casiña, e outras por equipos, nas zonas que marque a profe. A veces libremente, e de xeito simbólico, e outras con pequenos retos que nos marcan en cada recanto (elaborar unha actividade prástica coa plastilina, crear unha casiña para os animais cos bloques, unha garaxe para os coches, construccións de tantas pezas....).
Ademaís nestes meses tamén celebramos os cumpres de: GEMA, JOEL, ARIADNA E ANA
